Kiuj estas vi, Esperantoparolantoj?

Saluton al ĉiuj Esperantopraktikantoj !
Kiel partoprenanto en la poliglota kafejo de Kalezo (Calais), mi eksciis, ke Esperantouzantoj aliĝis al la forumo de la retloko www.cafe-polyglotte.com.
Mi tre ŝatus, ke ni konatiĝu kaj interkomuniku pere de tiu forumo.
Do, kiu estas vi? Ĉu ankaù vi partoprenas en iu loka poliglota kafejo? Kie?
Ni uzu nian genian lingvon kaj la forumon !
Guy Perrin

Mi nomiĝas Jean-Marc Ben. Mi estas instruisto pri angla lingvo ĉe teknika liceo en Kalezo (Lycée du Détroit).
Mi eklernis esperanton antaŭ dudek jaroj sed mi ne multe uzas ĝin.
Vidu mian blogon http://jeanmarcben.blog.free.fr kaj ĉefe http://jeanmarcben.blog.free.fr/index.php?post/2010/10/29/Esperanto-%21

Kore via

Jean-Marc

Kara Samideano,
Kun plezurego mi ekscias, ke ni estas almenaù tri esperantistoj en Kalezo !
Fakte mi mem ne loĝas en Kalezo sed en Bremes-les-Ardres. Tamen de jaroj mi partoprenas en la kaleza poliglota kafejo, kie kun kalezano ni esperantlingve babilas. Antaù kelkaj monatoj ankaù du sinjorinoj kunvenis : bulonjanino eklernanta la lingvon, kiu ne plu venas, kaj mia edzino, kiu mortis komence de oktobro.
Mia kunpartoprenanto kaj mi eklernis Esperanton en 2004-2005.
Krom parola praktikado en la poliglota kafejo, mi plu uzas la lingvon por letere korespondadi, tradukadi tekstojn proponitajn de du spertuloj (tiun ekzercon mi ŝatas), kaj legi librojn kaj revuojn.
Espereble ni iam renkontiĝos kaj kompreneble kun granda plezuro ni konatiĝus kun vi.
Tute amike al vi.
Guy Perrin